ÆВРИАГЪД

Тар мигътæ, тыхкъæвдатæ, ихуарынты бардуаг. Сау мылазон мигъты арвыл раскъæр-баскъæр кæны æмæ, кæмæ фæмæсты вæййы, уый хуымты куы ихæй ныххойы, куы лæсæны бын фæкæны. Хæхбæсты та хуымы зæххы гæппæл, хор, халсар туджы аргъ уыдысты. Стæй хæхбæсты цæмæн? Быдыры дæр тых къæвдатæ æмæ ихуарынтæ афæдзы фæллой сафынц. Гъе уымæ гæсгæ нæ фыдæлтæ табу кодтой Æвриагъдæн. Куывтой йæм, куырдтой дзы сæ хуымтæ æмæ цæрæн бынæттæ сын тых къæвдатæ æмæ ихуарынтæй бахизын. Йæ кувæндæттæ та уыдысты хъæуты иумæйаг мæсгуыты хæлддзæгты.

кæс «АРВЫ ДУАР»-Ы СÆРГÆНДТÆ